Əfqanıstanda zəlzələ nəticəsində ölənlərin sayı artdı
Əfqanıstanda baş verən zəlzələ nəticəsində ölənlərin sayı 1124 nəfərə çatıb.
TodayPress TV xəbər verir ki, bu barədə “Reuters” Əfqanıstan Qızıl Aypara Cəmiyyətinə istinadən məlumat yayıb.
Bildirilib ki, təxminən 3251 nəfər xəsarət alıb.
Xatırladaq ki, sentyabrın 1-də Əfqanıstanda 6 bal gücündə zəlzələ baş verib. Fəlakətin episentri Pakistan sərhədi yaxınlığında, Cəlalabad şəhərindən 27,3 kilometr aralıda qeydə alınıb. Əfqanıstan Səhiyyə Nazirliyi bildirib ki, zəlzələnin ocağı ucqar dağlıq ərazidə yerləşdiyi üçün qurbanların sayı barədə tam məlumat əldə etməyə bir qədər vaxt lazımdır.
Aysel Mətləb
