Çin kosmosda süni intellekt mərkəzləri qurur

Çin növbəti beş il ərzində kosmik süni intellekt məlumat mərkəzlərini istifadəyə verməyi planlaşdırır.

TodayPress TV  xəbər verir ki, bu barədə Çinin dövlət televiziyası "CCTV" məlumat yayıb.

Məlumatda bildirilir ki, Çinin əsas kosmik podratçısı olan Çin Aerokosmik Elm və Texnologiya Korporasiyası (CASC) beşillik inkişaf planına əsasən giqavatt sinifli kosmik rəqəmsal kəşfiyyat infrastrukturu quracaq.

Yeni kosmik məlumat mərkəzləri hesablama gücü, saxlama tutumu və ötürmə bant genişliyinin dərin inteqrasiyasını təmin edəcək və Yer kürəsindən gələn məlumatların kosmosda emalına imkan yaradacaq.

Qeyd edək ki, amerikalı milyarder İlon Mask da “SpaceX” vasitəsilə kosmosa məlumat mərkəzləri yerləşdirməyi planlaşdırır.

Jalə Rövşən

TodayPress TV