Bosniya və Herseqovina korrupsiya indeksində Avropada sonuncudur

“Transparency International” təşkilatının açıqladığı son korrupsiya indeksinə əsasən, Bosniya və Herseqovina Avropada ən aşağı pillədə qərarlaşıb.

TodayPress TV xəbər verir ki, hesabatda yalnız Rusiya, Belarus və Serbiyanın daha pis nəticə göstərdiyi qeyd olunub.

Reytinqin aşağı olmasının əsas səbəblərindən biri kimi məhkəmə sistemində səmərəsizlik göstərilir. Digər araşdırma nəticələrinə görə, yüksək səviyyəli korrupsiya işləri üzrə faktiki olaraq heç bir cinayət təqibi aparılmır.

“Ədliyyə sistemində adekvat islahatların aparılması üçün real siyasi iradə yoxdur və fəaliyyətində konkret nəticələr görünmür. Təqib selektiv xarakter daşıyır, son bir ildə yüksək səviyyəli korrupsiya işləri üzrə nə ittiham aktları, nə də məhkəmə hökmləri olub”, – deyə “Transparency International BiH” təşkilatının nümayəndəsi Edo Kanliç bildirib.

Onun sözlərinə görə, Bosniya və Herseqovinada əsas siyasi qərarvericilər məhkəmə sistemi üzərində siyasi nəzarətə imkan verən mexanizmləri qoruyub saxlayırlar və bu da korrupsiyaya qarşı mübarizəni daha da zəiflədir.

Qiymət Mahir