Avstraliyada iki gün ərzində dörd köpəkbalığı hücumu qeydə alındı

Avstraliyanın Yeni Cənubi Uels ştatında iki gün ərzində baş verən dörd köpəkbalığı hücumundan sonra sahilboyu təxminən 40 çimərlik bağlanıb. 

TodayPress TV xəbər verir ki, bu barədə "CNN World" məlumat yayıb.

Hücumlar güclü yağışdan sonra çayların mənsəbləri yaxınlığındakı bulanıq sularda gizlənən öküz köpəkbalıqları ilə əlaqələndirilib.

Bildirilib ki, öküz köpəkbalıqları adətən sahil boyu isti sularda yaşayırlar, lakin yay aylarında sahil xətti boyunca daha da aşağı, Sidneyin ən məşhur çimərliklərinə doğru hərəkət edirlər. 

“Bizdə insanların köpəkbalığı ilə toqquşması halları çox olur, lakin bütün qurbanların köpəkbalığı tərəfindən hücuma məruz qaldığı dörd hadisənin baş verməsi çox nadir haldır”, - deyə “Surf Life Saving NSW” təşkilatının icraçı direktoru vurğulayıb. 

Aysel Mətləb

TodayPress TV