Almaniya "Taliban"la danışıqlar aparır
Almaniya hökuməti "Taliban" hərəkatı ilə qapalı danışıqlar aparır.
TodayPress TV xəbər verir ki, bu barədə "Bild" nəşri məlumat yayıb.
Məqsəd əfqan miqrantların arasında cinayətkar hesab olunan şəxslərin ölkədən çıxarılmasını gücləndirməkdir.
Sentyabrın əvvəlində Almaniya Daxili İşlər Nazirliyinin nümayəndələri Qətərdə "Taliban"la görüşərək əfqan miqrantların deportasiyası üçün mexanizm hazırlayıblar. Berlin nümayəndə heyətinin Kabilə səfərini təşkil etməklə danışıqları davam etdirməyi planlaşdırır. Qətər bu prosesdə vasitəçi rolunu oynayır.
Planlara əsasən, miqrantların çıxarılması daimi əsasda çarter və müntəzəm uçuşlar vasitəsilə həyata keçiriləcək.
Türkan İsgəndərli
