Aİ qanunvericiliyini sadələşdirmək üçün yeni plan açıqladı

Avropa İttifaqı (Aİ) qanunvericiliyinin daha sadə, aydın və effektiv şəkildə tətbiq olunmasını hədəfləyən yeni plan hazırlayıb.

TodayPress TV xəbər verir ki, Avropa Komissiyası sözügedən qanunvericiliyin modernləşdirilməsinə yönəlmiş planını ictimaiyyətlə bölüşüb.

Plana əsasən, Aİ qaydalarının vətəndaşlar və bizneslər üçün daha anlaşılan olması, tətbiqinin asanlaşdırılması və daha güclü nəzarət mexanizmləri ilə təmin edilməsi qarşıya məqsəd kimi qoyulub.

Plan çərçivəsində Aİ-nin qanunvericilik prosesi daha səmərəli, effektiv və şəffaf hala gətiriləcək. Qaydalar hazırlanma mərhələsindən etibarən sadələşdiriləcək, Aİ qanunları onların başa düşülməsi, tətbiqi və nəzarəti asan olacaq şəkildə tərtib ediləcək.

Avropa Komissiyası hər yeni qanun təklifində kimlərin nə etməli olduğunu, qaydalara necə əməl ediləcəyini və əməl olunmadığı halda hansı nəticələrin yaranacağını açıq şəkildə göstərəcək. Mövcud geniş qanunvericilik bazası da yenidən nəzərdən keçiriləcək.

Hazırlanacaq fəaliyyət planı ilə prioritet sahələrdəki ziddiyyətlər, təkrarlanmalar və həddindən artıq mürəkkəb müddəalar aradan qaldırılacaq.

Üzv ölkələrin Aİ qaydalarından daha sərt və ya daha geniş öhdəliklər tətbiq etdiyi hallarda yaranan lazımsız mürəkkəblik də aradan qaldırılacaq. Seçilmiş siyasət sahələrində Vahid Bazar qaydalarının tətbiqi gücləndiriləcək.

Kənan Yusif

TodayPress TV