ABŞ Macarıstan ilə neft və nüvə enerjisi sahəsində müqavilələr imzaladı
ABŞ Macarıstan ilə nüvə enerjisi və Amerika neftinin tədarükü sahəsində bir sıra razılaşmalar əldə edib.
TodayPress TV xəbər verir ki, bu barədə ABŞ-nin vitse-prezidenti Ceyms Devid Vensin Budapeştə səfərinin yekunlarına dair məlumatda bildirilib.
Ağ Evin açıqladığı sənəddə qeyd olunub ki, Macarıstanın "MOL" şirkəti Amerika müəssisələrindən neft alışı ilə yanaşı, həm də kiçik modullu reaktorlar üzrə əməkdaşlıq niyyətini təsdiqləyib. Söhbət Macarıstan tərəfindən ümumi dəyəri 20 milyard dollaradək olan 10-a yaxın kiçik modullu reaktorun tikilməsi imkanından gedir.
Bundan əlavə, ABŞ-nin "Westinghouse" şirkətindən "Paks-1" Atom Elektrik Stansiyası (AES) üçün bütün istismar müddəti ərzində nüvə yanacağının alınmasına dair anlaşma memorandumu imzalanıb.
Aysel Mətləb
