ABŞ İranın neft ixracını dayandırmaq üçün dəniz blokadası hazırlayır

ABŞ Prezidenti Donald Trampın administrasiyası Venesuelaya qarşı görülən tədbirlərə bənzər şəkildə İranın neft ixracını dayandırmaq məqsədi daşıyan dəniz blokadası ehtimalını araşdırır.

TodayPress TV xəbər verir ki, bu barədə "The New York Times" qəzeti məlumat yayıb.

Nəşrin bildirdiyinə görə, etirazların müvəqqəti olaraq azalmasına baxmayaraq, Tramp İranın iqtisadi zəifliyi və hökumətin qeyri-sabitliyi ilə bağlı kəşfiyyat məlumatları alıb.

Qeyd edilib ki, ABŞ Mərkəzi Komandanlığının rəhbəri Bred Kuper hərbçilər və müttəfiqlərlə görüşlər keçirmək üçün Suriya, İraq və İsrailə səfər edib. Amerika rəsmiləri İraqı İran tərəfdarı qüvvələrin bazalarına və qoşunlarına hücumları halında ABŞ-nin mümkün cavab tədbirləri barədə xəbərdar ediblər. Həmçinin Səudiyyə Ərəbistanı və Qətərlə də məsləhətləşmələr aparılıb.

Aysel Mətləb

TodayPress TV