Sərnişin var, vaqon yox - Qatar biletləri niyə çatmır?
Sərnişinlərin qatar biletlərinin tez tükənməsi və əlavə reyslərin niyə təyin olunmaması ilə bağlı suallarına Azərbaycan Dəmir Yolları (ADY) aydınlıq gətirib.
TodayPress TV xəbər verir ki, ADY-nin açıqlamasına görə, artan tələbat nəzərə alınaraq, ilkin mərhələdə 6 vaqonla həyata keçirilməsi planlaşdırılan reyslər hazırda 7 vaqonla istismara buraxılır.
Qurumdan bildirilib ki, mövcud imkanların daha da artırılması istiqamətində işlər davam etdirilir.
“Yüksək tələbat nəzərə alınaraq, ilkin olaraq 6 vaqonla həyata keçirilməsi planlaşdırılan reyslər hazırda 7 vaqonla səfərə çıxır. Bununla belə, mövcud imkanların artırılması istiqamətində iş aparılır".
Həmçinin sərnişinlərə səyahət tarixlərinə uyğun biletləri mütəmadi olaraq yoxlamaq tövsiyə edilib.
Türkan İsgəndərli
