Singh: “Guru Nanak bərabərliyi 550 il əvvəl təbliğ edirdi”

“Zikh icmasının təməlində bərabərlik, ədalət və dini azadlıqlar dayanır və bu dəyərlər əsrlər öncə formalaşıb”.

TodayPress TV xəbər verir ki, bu fikirləri Böyük Britaniyada fəaliyyət göstərən “Sikh Federation (UK)” təşkilatının rəhbər heyətinin üzvü Sidhu Dabinderjit Singh Bakı Təşəbbüs Qrupunun təşkilatçılığı ilə keçirilən “Hindistanda sikhlərə və digər milli azlıqlara qarşı irqçilik və zorakılıq: mövcud reallıqlar” adlı beynəlxalq konfransda səsləndirib.

O bildirib ki, zikh təliminin banisi Guru Nanak Devji hələ 550 il əvvəl qadın-kişi bərabərliyini, dinlərarası bərabərliyi və kasta sisteminin ləğvini təbliğ edib. Onun sözlərinə görə, bir çox cəmiyyətlər bu dəyərləri yalnız son yüzillikdə qəbul etməyə başlayıb.

Qiymət Mahir

TodayPress TV