UEFA “Qalatasaray”ı cəzalandırdı
UEFA “Qalatasaray” klubunu 68 250 avro məbləğində cərimələyib.
TodayPress TV Avropa Futbol Assosiasiyaları İttifaqının rəsmi saytına istinadən xəbər verir ki, cəriməyə səbəb Almaniyada “Ayntraxt” klubu ilə Çempionlar Liqasının Liqa mərhələsinin I turunda baş verənlər olub.
İstanbul təmsilçisi azarkeşləri atəşfəşanlığına görə 18 000, meydana yad əşyalar atılması səbəbindən 35 250 avro ödəməli olacaq. Bundan başqa “Qalatasaray”a iğtişaşlara görə əlavə 15 000 avro cərimə kəsilib.
Xatırladaq ki, Frankfurt qarşılaşması “Qalatasaray”ın 1:5 hesablı məğlubiyyəti ilə başa çatıb.
Namiq HUN
