“Sabah” Konfrans Liqasındakı rəqibini tanıdı
UEFA Konfrans Liqasının II təsnifat mərhələsinin püşkatma mərasimi keçirilib.
TodayPress TV xəbər verir ki, İsveçrənin Nyon şəhərində baş tutan tədbirdə Azərbaycan kubokunun sahibi “Sabah”ın rəqibi məlum olub.
Paytaxt təmsilçisi Avropa Liqasının ilk mərhələsində Sloveniya “Selye”sinə məğlub olarsa, Konfrans Liqasında “Birkirkara” (Malta) – “Petrokub” (Moldova) cütünün qalibi ilə qarşılaşacaq.
İlk matç səfərdə keçiriləcək.
Qeyd edək ki, II təsnifat mərhələsinin ilk oyunları iyulun 24-də, cavab matçları isə bir həftə sonra baş tutacaq.
Namiq HUN
