“Qarabağ”ın ÇL oyununa çıxacağı arenada dəyişikliklər edildi
UEFA Çempionlar Liqasının (ÇL) Liqa mərhələsi çərçivəsində keçiriləcək “Qarabağ” – “Kopenhagen” (Danimarka) oyunundan öncə Tofiq Bəhramov adına Respublika stadionunda bəzi yeniliklər edilib.
TodayPress TV xəbər verir ki, bu barədə “Qarabağ” klubunun mətbuat xidməti məlumat yayıb.
Tribunalarda bəzi sektorların yerləri və adları dəyişdirilib. VIP və VVIP sektorlara işğaldan azad olunmuş Qubadlı, Zəngilan, Füzuli, Cəbrayıl, Xocalı, Laçın, Kəlbəcər, Ağdam, Şuşa və Xankəndi şəhərlərinin adları verilib.
Qeyd edək ki, oktyabrın 1-də keçiriləcək “Qarabağ” – “Kopenhagen” oyunu saat 20:45-də başlayacaq.
Namiq HUN
