Azərbaycan UEFA reytinqində yerini möhkəmlətdi
"Qarabağ"ın uğurlu çıxışı sayəsində Azərbaycan UEFA əmsallar cədvəlində mövqeyini gücləndirib.
TodayPress TV xəbər verir ki, Bakıda baş tutan oyunda "Qarabağ" Macarıstanın "Ferentsvaroş" klubuna uduzsa da, iki oyunun nəticəsinə görə Çempionlar Liqasının Liqa mərhələsinə düşməsi sayəsində ölkəmizin reytinqinə 6 bonus xalı qazandırıb.
Bununla da xal ehtiyatını 21.000-ə çatdıran Azərbaycan Ukrayna (19.850) və Sloveniyanı (20.468) geridə qoyaraq 28-ci yerdən 26-cı pilləyə yüksəlib.
Builki qazancımız isə 3.875 xaldır. Ölkə reytinqinə “Qarabağ”ın 2.750 xal, avrokuboklarda artıq çıxışını dayandırmış “Sabah”ın 0.625 xal, “Araz-Naxçıvan”ın 0.375 xal və “Zirə”nin isə 0.125 xal qazandırıb.
Namiq HUN
