Andrade adını ÇL tarixinə yazdırdı
“Qarabağ” klubunun futbolçusu Leandro Andrade UEFA Çempionlar Liqasında (ÇL) mərhum danimarkalı oyunçu Yan Sorensenin nailiyyətini geridə qoyub.
TodayPress TV xəbər verir ki, o, “Atletik”lə səfər oyununda fərqlənməklə bu göstəriciyə nail olub.
Matçın 48-ci saniyəsində rəqib komandanın qapısına yol tapan Andrade Bilbao təmsilçisinin qitənin bir nömrəli klub turnirində buraxdığı ən erkən qolun müəllifi olub.
Xatırladaq ki, Yan Sorensen “Rusenborq” klubunun heyətində 1998/1999 mövsümündə Çempionlar Liqası matçının 85-ci saniyəsində “Atletik”ə qol vurub.
Namiq HUN
