Müharibənin iqtisadi effekti: Azərbaycanın neft gəlirləri kəskin artır

Azərbaycan üçün 2026-cı il büdcəsində "Azeri Light" neftinin 1 bareli 65 dollar nəzərdə tutulub. Ancaq İsrail və ABŞ-nin İranla müharibəsindən sonra "Brent" markalı neftin qiyməti kəskin qalxıb. 

Hesablamalara əsasən neftin qiymətinin hər 1 dollar artımı Azərbaycanın Neft Fonduna gündəlik təxminən 450 min dollar əlavə gəlir gətirir.  

Nəzərə alsaq ki, müharibə fevralın 28-də başlayıb və bir aydan çox davam edib, bu da neft qiymətinin dalğalanmasına səbəb olub. Bu vaxt ərzində qiymət martda 100-140 dollar arası olub. Təxminən 40 gün Azərbaycan orta hesabla 500-600 milyon dollar əlavə qazanc əldə edib.  

Qeyd edək ki, son proqnozlara görə, "Brent" və "Azeri Light" nefti təxminən 97,8-98,1 dollar səviyyəsindədir. 

Hər 10 dollar artım isə illik ixrac gəlirlərini təxminən 3 milyard dollar artırır (bu, ÜDM-in təxminən 4%-i qədərdir).

Hazırki artım eyni qalarsa, gündəlik əlavə gəlir - 14,85 milyon dollar (33 × 450 000), aylıq əlavə gəlir 445-450 milyon dollar, illik əlavə gəlir isə 5,4 milyard dollar olar.

Türkan İsgəndərli