Azərbaycan gəncləri iş tapa bilirmi?

Azərbaycanda gənclər əhalinin təxminən 22-25%-ni təşkil edir.

TodayPress TV-nin araşdırmasına görə, gənclərin məşğulluq payı və işsizlik səviyyəsi ilə bağlı rəsmi statistika göstərir ki, gənclər arasında işsizlik ümumi əhaliyə nisbətən daha yüksəkdir. 

Son illərdə 15-24 yaş qrupu üçün gənc işsizliyi 13-14% civarındadır. Dövlət Məşğulluq Agentliyi vasitəsilə minlərlə gənc hər il işə götürülür və ya özünüməşğulluq proqramları ilə dəstəklənir.

Gənclər arasında müharibə iştirakçıları da var. 2026-cı ildə 80 manat məbləğində aylıq Prezident təqaüdü alan müharibə veteranlarının sayı 182 961 nəfərdir. 2026-cı ilin yanvar-mart aylarında 36 349 nəfər işlə təmin edilib. Bununla yanaşı dövlət proqramları aktiv işləyir. Belə ki, postmüharibə dövründə şəhid ailələri üzvləri və müharibə iştirakçıları olan 27-30 min nəfər məşğulluq dəstəyi alıb. Bunlardan 13 mindən çoxu özünüməşğulluq proqramı çərçivəsində kiçik bizneslə təmin olunub. Minlərlə veteran işlə təmin edilib. Hökumət prioritet qrup kimi onlara kvotalar, təlimlər və subsidiyalar verir. Bəzi şikayətlər olsa da, bəzən iş tapmaqda çətinlik yaransa da, ümumi səviyyədə dəstək proqramları davam edir.

Region ölkələri ilə müqayisədə Azərbaycan regionda orta səviyyədədir. Gənc işsizliyi Türkiyə və Gürcüstandan aşağı, Rusiyadan bir qədər yüksəkdir. Müharibə veteranlarına xüsusi dəstək proqramları Azərbaycanı fərqləndirir. Çünki qonşu ölkələrdə belə geniş dövlət proqramları yoxdur.

Nəticə olaraq demək olar ki, Azərbaycanda gənclərin işlə təmin olunması dövlət siyasətinin prioritetidir və müharibə iştirakçılarına əlavə diqqət yetirilir. 

Türkan İsgəndərli

TodayPress TV