Armud qabığı mədə-bağırsaq sisteminə faydalı ola bilər

Çinin Jiangsu Kənd Təsərrüfatı Elmləri Akademiyasının alimləri armud qabığında olan polifenolların bağırsaq iltihabını azalda biləcəyini və xoralı kolit zamanı bağırsaq mukozasını qoruyacağını müəyyən ediblər.

TodayPress TV xəbər verir ki, tədqiqatın nəticələri "Food & Function" jurnalında dərc olunub.

Laboratoriya təcrübələrində bu maddələr immun hüceyrələrində iltihab əleyhinə molekulların istehsalını azaldıb. Kolitlə xəstələnən siçanlarda armud qabığı polifenolları çəki itkisini, qanda iltihab səviyyəsini və bağırsaq toxumasının zədələnməsini düzəldib.

Tədqiqatçılar həmçinin bu birləşmələrin bağırsaq mikrobiotasına müsbət təsirini göstəriblər. Belə ki, faydalı bakteriyaların sayı artıb, iltihabla əlaqəli bakteriyaların sayı isə azalıb. Eyni zamanda, bağırsaq selikli qişasında həddindən artıq immun aktivliyi və antigen tanınması ilə bağlı reaksiyalar azalıb.

Alimlər qeyd edirlər ki, nəticələr meyvə qabıqlarının bağırsaq sağlamlığında faydalı rol oynaya biləcəyini göstərir. Armud qabığı gələcəkdə funksional qida komponenti kimi istifadə oluna bilər, lakin insanlarda təsirin təsdiqi üçün klinik tədqiqatlara ehtiyac var.

Türkan İsgəndərli

TodayPress TV