Turistlər üçün tikilən evin altından TARİX ÇIXDI

Britaniyalı arxeoloqlar Şotlandiyanın Staffa adasında, bazalt mağarası olan Finqal Mağarasında tarixdən əvvəlki bir yaşayış məskəninin izlərini aşkar ediblər.

TodayPress TV xəbər verir ki, bu barədə “The Past” məlumat yayıb.

Məlumata görə, tapıntılar arasında keramika və çaxmaqdaşı alətləri də var və onların yaşı təxminən 4 min ildir.

Qlazqo və Stirlinq universitetlərinin tədqiqatçıları Şotlandiyanın Staffa adasının mərkəzində qazıntı işləri aparıblar. XIX əsrdə turistlər üçün tikilmiş daş evin xarabalıqlarının altında alimlər diametri 4–5 metr olan halqavari xəndək aşkar ediblər. Orada bəzəkli keramikanın 100-ə yaxın fraqmenti, 60-dan çox çaxmaqdaşı aləti və yanmış daşlar olub. Toxumun radiokarbon analizi bu obyektin erkən və ya orta Tunc dövrünə (e.ə. 1883–1701-ci illər) aid olduğunu göstərib.

Qədim abidədən əlavə, mütəxəssislər XV–XVII əsrlərə aid kənd təsərrüfatı fəaliyyətinin sübutlarını da aşkarlayıblar. Məlum olub ki, yerli sakinlər yulaf yetişdirib, torpağı yosunlarla gübrələyib və mal-qara saxlayıblar.

Aysel Mətləb