Dostunuzun bu xüsusiyyəti yoxdursa, münasibət uzun çəkməyə bilər

Alimlər uzun illər davam edən dostluqlarda ən vacib xüsusiyyətin nə olduğunu araşdırıblar. Nəticəyə görə, dostluğun möhkəmliyinə ən çox təsir edən amil ortaq maraqlar və ya uzun müddətli tanışlıq deyil, dürüstlükdür.

TodayPress TV xəbər verir ki, araşdırmada yüzlərlə insan iştirak edib. İştirakçılar dostlarında görmək istədikləri və istəmədikləri xüsusiyyətləri qeyd ediblər. Nəticədə dürüstlük ən dəyərli keyfiyyət kimi önə çıxıb.

Mütəxəssislərin fikrincə, etik davranış, mehribanlıq və səmimiyyət də möhkəm dostluğun əsas xüsusiyyətləri sırasındadır. Yalan danışmaq isə münasibətləri zəiflədən ən mənfi amillərdən biri hesab olunur.

Alimlər vurğulayırlar ki, dürüstlük kobudluq demək deyil. Əsl dostluq qarşılıqlı etibar, açıq söhbət və bir-birinə hörmət üzərində qurulur.