Bu şəhərdə havanı 8 dərəcə soyudan sistem işə salındı
Çinin Yünçen şəhərində yay istisini azaltmaq məqsədilə yaşayış binalarının damlarında xırda su dumanı püskürdən yeni soyutma sistemi istifadəyə verilib.
TodayPress TV xəbər verir ki, məlumata görə, sistem yüksək təzyiqlə suyu çox kiçik damcılar şəklində havaya buraxır. Damcılar sürətlə buxarlanaraq ətraf mühitdən istiliyi udur və nəticədə binaların ətrafında havanın temperaturu təxminən 5–8 dərəcə aşağı düşür.
Texnologiya şəhərlərdə beton və asfaltın yaratdığı “istilik adası” effektini azaltmaq üçün hazırlanıb. Mütəxəssislər bildirirlər ki, sistem xüsusilə quru iqlim şəraitində daha effektiv işləyir, lakin geniş tətbiqi su sərfiyyatı ilə bağlı yeni çağırışlar yarada bilər.
