"Lexus" yeni idman elektrikli modellərini təqdim etdi

"Lexus" Yaponiyada "RZ" elektrik krossover xəttini iki yeni idman modeli ilə genişləndirib. 

TodayPress TV xəbər verir ki, hər iki avtomobil "Direct 4" tam ötürücülü sistemlə təchiz olunub və hər oxda ayrıca elektrik mühərrikinə malikdir.

"RZ550e F Sport" 2025-ci ilin martında yenilənmiş "RZ" krossoverinin təqdimatı zamanı göstərilib, "RZ600e" isə xəttə yeni əlavədir.

"RZ550e F Sport"un ümumi gücü 300 kVt (408 at gücü) təşkil edir. Daha güclü "RZ600e F Sport Performance" modeli isə 313 kVt (425 at gücü) güc hasil edir. Hər iki avtomobil 76,96 kVt/saat tutumlu batareya ilə təchiz olunub və bir tam doldurma ilə 525-582 km məsafə qət edə bilir.

Yeni idman versiyaları sükanla ön təkərlər arasında mexaniki əlaqənin olmadığı “sükan-by-wire” sistemi ilə fərqlənir. Sükan elektriklə idarə olunur, vibrasiyasızdır və dəyişkən nisbətə malikdir. Kiliddən kilidə sükan bucağı cəmi 200 dərəcədir, bu səbəbdən avtomobillər klassik sükan əvəzinə təyyarə tipli idarəetmə çarxı ilə təchiz edilib.

Aerodinamik baxımdan hər iki model təkmilləşdirilib. "RZ600e F Sport Performance" ikili arxa spoylerə və 20 mm aşağı salınmış asqıya malikdir ki, bu da yüksək sürətlərdə yol tutumunu artırır. 

Türkan İsgəndərli

TodayPress TV