Köhnə telefonu satmazdan əvvəl MÜTLƏQ BUNLARI EDİN: Şəxsi şəkilləriniz və parollarınız oğurlana bilər!

Smartfonu utilizasiya etməzdən əvvəl məlumatları qorumaq üçün bir sıra tədbirlər görmək lazımdır

TodayPress TV "KP.ru"ya istinadən xəbər verir ki, bunu Rusiya Maliyyə Nazirliyinin NIFI Maliyyə Savadlılığı Direktorluğunun rəhbəri və “Moifinansı.rf” layihəsinin rəhbəri Dmitri Model bildirib.

Mütəxəssisin sözlərinə görə, telefonu satmazdan, hədiyyə etməzdən və ya utilizasiya etməzdən əvvəl ilk növbədə bütün vacib məlumatları yadda saxlamaq lazımdır. Yalnız bulud yaddaşı ilə avtomatik sinxronizasiyaya güvənmək tövsiyə edilmir. Çünki sinxronizasiya fasilələrlə işləyə, ehtiyat nüsxələr isə bəzən uzun fasilələrlə yaradıla bilər. Nəticədə son günlərdə və ya həftələrdə yaranmış fotoşəkillər və digər fayllar yadda saxlanılmaya bilər.

Ekspert cihazı utilizasiya etməzdən əvvəl ehtiyat nüsxənin yaradılmasını əl ilə başladmağı tövsiyə edib. Xüsusilə vacib materialları, məsələn, ailə fotoşəkillərini və sənədlərin skanlarını iki yerdə saxlamaq daha məqsədəuyğundur. Bulud xidmətindən əlavə, nüsxəni kompüter və ya fleşkart kimi fiziki daşıyıcıya köçürmək məsləhət görülür.

Məlumatlar saxlanıldıqdan sonra smartfonu başqasına vermək üçün hazırlamaq lazımdır. Tətbiqləri sadəcə iş masasından silmək kifayət deyil. Çünki məlumatlar cihazda qala və sonradan bərpa edilə bilər. Bütün tətbiqlərdən, oyun platformalarından və istifadəçinin hesabına giriş etdiyi digər xidmətlərdən çıxmaq, həmçinin brauzerlərdə avtomatik doldurma üçün saxlanılan parolları silmək lazımdır.

“Avtorizasiyanın həyata keçirildiyi bütün tətbiqlərdən, oyun platformalarından və xidmətlərdən çıxın. Brauzerlərdə avtomatik doldurma üçün saxlanılan parolları silin. Cihazı istehsalçının hesabından, məsələn, Apple ID və ya Google hesabından ayırın”, – deyə mütəxəssis xatırladıb.

Onun sözlərinə görə, yalnız bu tədbirlərdən sonra smartfonu zavod parametrlərinə tam sıfırlamaq olar. Cihazı təhvil verməzdən əvvəl onun fiziki komplektasiyasını da yoxlamaq lazımdır. SİM-kartın və yaddaş kartının təsadüfən telefonda qalmaması üçün onları SİM yuvasından çıxarmaq lazımdır.

Smartfon satılır və ya hədiyyə edilirsə, onu səliqəyə salmaq tövsiyə olunur. Korpus, giriş yuvaları və dinamiklər suyun düşməsinə yol vermədən ehtiyatla təmizlənməlidir. Bundan əlavə, zavod qutusunu, sənədləri və şarj cihazını tapmaq məsləhətdir.

Qiymət Mahir