"ChatGPT" yeni versiyasını təqdim etdi

"OpenAI" bu ay "GPT-5" modelini təqdim edib. Yeni versiya daha humanist və faydalı köməkçi kimi xarakterizə edilib. 

TodayPress TV xəbər verir ki, lakin bəzi istifadəçilər sosial şəbəkələrdə yeni sistemin əvvəlki modellərə nisbətən daha soyuq və rəsmi olduğunu bildiriblər.

Belə ki, istifadəçilər "GPT-4o" modelinin daha dostcanlı və rahat ünsiyyət qurduğunu qeyd edərək, "GPT-5"in üslubunu "isti rabitədən uzaq" kimi qiymətləndiriblər. Bunun cavabında "OpenAI" "chatbot"un tonuna müəyyən yumşaqlıq qatacağını və daha səmimi ifadələrdən, məsələn, “Yaxşı sual” və ya “Əla başlanğıc” kimi istifadə edəcəyini açıqlayıb.

Eyni zamanda, "OpenAI" istifadəçilərə əvvəlki "GPT-4o" versiyasına qayıtmaq imkanı verəcəyini də bildirib. Bu, fərqli üslub və yanaşmaları üstün tutan istifadəçilərə seçim azadlığı təqdim edəcək.

Qeyd edək ki, "OpenAI" daha əvvəl "ChatGPT"nin bəzi suallara həddən artıq razılaşan və riskli cavablar verməsi səbəbilə tənqid olunub. 

Türkan İsgəndərli