“Apple” “Google”un süni intellektindən istifadə edə bilər

“Apple” şirkəti “Siri” səs köməkçisinin yeni versiyası üçün “Google”un “Gemini” süni intellektindən istifadə etmək istiqamətində danışıqlar aparır.

TodayPress TV xəbər verir ki, “Bloomberg”in mənbələrinə görə, “Apple” 2026-cı ildə istifadəyə veriləcək fərdiləşdirilmiş süni intellekt modelinin hazırlanmasını “Google”a təklif edib və şirkət buna müsbət yanaşıb.

Bununla belə, “Apple” hələ yekun qərar qəbul etməyib – şirkət ya öz texnologiyasını, ya da tərəfdaş modellərini seçəcək. Bu ilin əvvəlində “Apple” “Siri” üçün potensial beyin kimi “Claude” və “ChatGPT” modellərini qiymətləndirmək məqsədilə “Anthropic PBC” və “OpenAI” ilə də danışıqlar aparıb.

Mümkün əməkdaşlıq xəbərləri fonunda hər iki şirkətin səhmləri bahalaşıb: “Google”un qiyməti 2,9% artaraq 205,46 dollar, “Apple”ın qiyməti isə 1,4% artaraq 227,95 dollar olub. “Apple” ilkin olaraq 2025-ci ilin yazında “Siri”ni yeniləməyi planlaşdırsa da, texniki çətinliklər səbəbindən layihəni 2026-cı ilə qədər təxirə salıb.

Qiymət Mahir