"Android"də 100-dən çox təhlükəsizlik boşluğu aşkarlandı

"Google" korporasiyasının mütəxəssisləri "Android" əməliyyat sistemində 107 təhlükəsizlik boşluğu aşkar ediblər.

TodayPress TV xəbər verir ki, bu barədə məlumat layihənin saytında yerləşdirilib.

"Google" mütəxəssisləri boşluqların aradan qaldırılması üçün xüsusi yeniləmə hazırlayıblar. İstifadəçilər dekabrın 5-dən yenilənməni yükləyə biləcəklər.

Mühəndislər ən təhlükəli boşluqların CVE-2025-48633 və CVE-2025-48572 olduğunu bildiriblər. Bu boşluqlar "Android Framework"də imtiyazların artırılması və məlumatlara çıxışla bağlıdır.

Onlardan istifadə etməklə smartfon istifadəçilərinə uzaqdan hücumlar həyata keçirmək mümkündür. Qeyd olunur ki, hakerlər bu sistem boşluqlarından artıq öz hücumlarında yararlanıblar.

TodayPress TV