Android istifadəçilərinin 40%-i təhlükə altındadır

"Android" əməliyyat sistemi ilə işləyən smartfonların 40%-dən çoxu istifadə üçün təhlükəli hesab edilir. 

TodayPress TV xəbər verir ki, bu barədə “Forbes” nəşri məlumat yayıb.

Bu rəqəm "Google" tərəfindən yayımlanan paylanma diaqramına əsaslanır.

Hazırda ən müasir sistem Android 16 yalnız 7,5% smartfonlarda quraşdırılıb. Digər dəstəklənən versiyalar belə paylanır:

"Android 15" – 19,3%

"Android 14" – 17,9%

"Android 13" – 13,9%

Ekspertlər bildirirlər ki, yalnız bu dörd versiya "Google" tərəfindən dəstəklənir və təhlükəsizlik yeniləmələri alır. 

"Android 12" və daha köhnə sistemlə işləyən cihaz sahibləri üçün yeni smartfona keçmək tövsiyə olunur, 2026-cı il üçün minimum tələb "Android 13" hesab edilir.

Türkan İsgəndərli