Virtz “Liverpul”la müqavilə imzaladı

“Bayer Leverkuzen” klubunun hücumameyilli yarımmüdafiəçisi Florian Virtz “Liverpul” ilə şəxsi müqavilə şərtlərində razılığa gəlib.   

TodayPress TV məşhur insayder jurnalist Fabritsio Romanoya istinadən xəbər verir ki, artıq tərəflər yazılı razılaşma imzalayıb.   

Mənbənin verdiyi xəbərə görə, hazırda klublar arasında almaniyalı futbolçunun transferi ilə bağlı birbaşa danışıqlar aparılır. Virtz özü də “Liverpul”a keçməkdə israrlıdır. 

Qeyd edək ki, Florian Virtz cari mövsüm bütün turnirlərdə 45 oyuna çıxıb, 16 qol vurub və 15 məhsuldar ötürmə edib.

“Transfermarkt” portalında 21 yaşlı futbolçunun bazar dəyəri 140 milyon avro qiymətləndirilir.   

Namiq HUN