“Vaşinqton”da Oveçkinin taleyi ilə bağlı açıqlama verildi

“Vaşinqton Kepitals” klubun xokkeyçisi Tom Uilson komanda yoldaşı Aleksandr Oveçkinin mümkün karyera sonu ilə bağlı fikirlərini bölüşüb.

TodayPress TV xəbər verir ki, bu barədə klubun mətbuat xidməti məlumat yayıb. 

“Vaşinqton Kepitals” klubunun hücumçusu Oveçkinin gələcəyi ilə bağlı qərarın yalnız onun özünə məxsus olduğunu bildirib. 

“Bu, onun vidalaşması və əfsanəvi karyerasıdır. O, xokkeyi nə vaxt və necə tərk edəcəyinə özü qərar verəcək. Heç kim bunu onun əvəzinə deyə bilməz. Sonda hər şey Oveçkinin istəyindən asılıdır və məncə, o bunu haqq edir”, – deyə Uilson qeyd edib.

Rusiyalı ulduz cari mövsümdə son ev oyununu “Pittsburq Pinqvinz”ə qarşı keçirib və hələlik NHL-də karyerasını davam etdirib-etdirməyəcəyi barədə açıqlama verməyib.

Qeyd edək ki, Oveçkinin “Vaşinqton Kepitals” ilə müqaviləsi cari mövsümün sonunda başa çatır. Komandanın müntəzəm mövsümdə cəmi bir oyunu qalıb.

Namiq HUN

TodayPress TV