UEFA-dan “Qarabağ”a ÇL matçından sonra intizam cəzası
UEFA VII tur çərçivəsində “Ayntraxt Frankfurt”la (3:2) keçirilmiş Çempionlar Liqası (ÇL) matçından sonra “Qarabağ”a intizam cəzası tətbiq edib.
TodayPress TV xəbər verir ki, bu barədə UEFA-nın rəsmi saytı məlumat yayıb.
İntizam Komitəsi “Qarabağ”ı idman tədbirinə uyğun olmayan mesaj ötürdüyünə və UEFA-nın nüfuzuna xələl gətirdiyinə görə 17,5 min avro məbləğində cərimələyib.
Klub həmçinin bilet nəzarəti qaydalarını pozmaqda ittiham olunub. Bu qayda pozuntusuna görə Azərbaycan çempionuna rəsmi xəbərdarlıq edilib.
Namiq HUN
