"Real" sabiq yarımmüdafiəçisini geri qaytarmağa hazırlaşır

"Real" sabiq yarımmüdafiəçisi Toni Kroosu kluba qaytarmaq üçün çalışır.

TodayPress TV “AS”a istinadən xəbər verir ki, “kral kubu” dünya çempionunun idman strukturlarının bir hissəsi olmasını istəyir.

İspaniya nəhəngi Kroosun klubun gündəlik əməliyyatlarına verdiyi töhfənin, vəzifəsindən asılı olmayaraq, klubun inkişafına təsir göstərə biləcəyinə inanır.

"Real"ın prezidenti Florentino Peresin keçmiş oyunçunun geri qayıtması üçün şəxsən çalışdığı, lakin əməkdaşlığın təfərrüatlarının hələ dəqiqləşdirilmədiyi vurğulanır.

Kroos 2014-cü ildən 2024-cü ilə qədər "Los Blancos"da oynayıb və sonra karyerasını başa vurub.

Bu müddət ərzində yarımmüdafiəçi beş dəfə Çempionlar Liqasını, dörd dəfə isə İspaniya liqasının titulunu qazanıb.

TodayPress TV