"Real" gənc müdafiəçi ilə anlaşdı
"Real" "Bornmut"un futbolçusu Din Höysenlə anlaşıb.
TodayPress Tv xəbər verir ki, bu barədə insayder Fabrizio Romano məlumat yayıb.
20 yaşlı mərkəz müdafiəçisi yaxın zamanda tibbi müayinədən keçəcək. Daha sonra isə Madrid təmsilçisi İspaniya millisinin oyunçusu ilə 2030-cu ilə qədər müqavilə imzalayacaq. "Kral klubu" onun transferi üçün 50 milyon funt sterlinq ödəyəcək.
Bildirilir ki, Höysenin keçidini yaxın zamanda "Real"ı çalışdıracaq baş məşqçi Xabi Alonso da istəyirdi.
Qeyd edək ki, Din Höysen bu mövsüm "Bornmut"un heyətində 34 oyuna çıxaraq 3 qol vurub və 1 qolun ötürməsini edib. Onun klubu ilə müqaviləsi 2030-cu ilin yayına qədərdir.
