Palmer: “Ən yaxşı maşın ondadır, titul da ola bilər”

“Formula-1”in sabiq pilotu Colion Palmer “McLaren” komandasının sürücüsü Lando Norrisin cari mövsümün Abu-Dabi Qran-prisi öncəsi yenidən toparlanmalı olduğunu bildirib. 

TodayPress TV xəbər verir ki, bu barədə F1oversteer məlumat yayıb. 

O, britaniyalı sürücünün hələ də çempionluğun əsas favoriti olduğunu hesab edir. 

“Lando hələ də əsas favoritdir. Onun beynini boşaltmağa ehtiyacı var. Las-Veqasdan sonra elə görünürdü ki, Maks Ferstappen çempionluq mübarizəsindən kənarda qalır, çünki Landonun diskvalifikasiya və taktiki məqamları nəzərə alsaq belə, 42 xal üstünlüyü vardı. İndi isə vəziyyət ciddi şəkildə dəyişib. Çempionluğa bu qədər yaxın olduğun halda, birdən başqasının titul qazana biləcəyini hiss etmək çətindir. Lando yaxın günlərdə ciddi mental yenilənmə etməlidir. Onun bunun öhdəsindən gələcəyinə inanıram. Mən hələ də hesab edirəm ki, “McLaren”in ən yaxşı maşını var”, - deyə Colion Palmerbildirib. 

Qeyd edək ki, Abu-Dabi Qran-prisi 5-7 dekabr tarixlərində keçiriləcək.

Namiq HUN

TodayPress TV