Norris Şumaxerlə eyni səviyyəyə yüksəldi
Britaniyalı “Formula-1” pilotu Lando Norris (“McLaren”) Meksika Qran-prisində qalib gələrək unikal uğura imza atıb.
TodayPress TV xəbər verir ki, o, “Formula-1” tarixində əfsanəvi yeddiqat dünya çempionu Mihael Şumaxerdən sonra ilk 10 qələbəsini fərqli traslarda qazanan ikinci pilot olub.
Norrisin ilk 10 qələbəsi 2024–2025 mövsümlərində Mayami, Niderland, Sinqapur, Əbu-Dabi, Avstraliya, Monako, Avstriya, Böyük Britaniya, Macarıstan və Meksikada əldə olunub.
Maraqlıdır ki, həm Şumaxer, həm də Norris altıncı qələbəsini Monakoda, doqquzuncunu isə Macarıstanda qazanıblar.
Hazırda 2025 mövsümündə 20-ci mərhələ başa çatıb. “McLaren” pilotu Meksikadakı qalibiyyəti ilə Şumaxerin tarixi nailiyyətini təkrarlayıb. Mövsümün sonuna isə hələ dörd mərhələ qalır.
Namiq HUN
