Medallar, diplomlar və unudulmaz anlar - Bakıda xüsusi yarış

Zəfər Günü münasibətilə bədii gimnastika yarışı təşkil olunub.

TodayPress TV xəbər verir ki, Azərbaycan Respublikası Xüsusi Olimpiya Komitəsinin təşkilatçılığı ilə “Ocaq Sport” klubunda Xüsusi Olimpiya proqramı çərçivəsində keçirilən yarışda atletlər müxtəlif proqramlarla çıxış edərək bacarıqlarını nümayiş etdiriblər.

Tədbirin əsas məqsədi əqli imkanları məhdud şəxslərin idmana cəlb olunması, fiziki bacarıqlarının inkişaf etdirilməsi və cəmiyyətə inteqrasiyasına dəstək göstərmək olub.

Bildirilib ki, bu cür yarışlar atletlərin özünəinamının artırılmasına, yarış təcrübəsi qazanmasına və yeni dostluqlar qurmasına imkan yaradır.

Yarışın sonunda iştirakçılar medal, diplom və hədiyyələrlə təltif olunublar.