Mançesterdən Kataloniyaya - Reşford adaptasiya prosesindən danışdı

“Barselona” klubunun forvardı Markus Reşford Mançesterdən kənardakı həyatı barədə danışıb.

TodayPress TV xəbər verir ki, bu barədə Mundo Deportivo nəşri məlumat yayıb. 

“Bu, Mançesterdən uzaqda ilk yaşayışımdır, amma artıq özümü burada evdəki kimi hiss etməyə başlayıram. İspan dilini daha yaxşı öyrənmək istəyirəm və bunun üçün çalışıram”, — deyə Reşford fikirlərini bölüşüb. 

Qeyd edək ki, ingiltərəli futbolçu cari mövsümdə “Barselona”nın heyətində bütün turnirlərdə 21 oyuna çıxıb, 6 qol vurub və 11 məhsuldar ötürmə edib. 

Reşfordun Kataloniya təmsilçisi ilə mövcud müqaviləsi 2028-ci ilin yayına qədər qüvvədədir. Transfermarkt portalında futbolçunun bazar dəyəri 40 milyon avro qiymətləndirilir. 

Namiq HUN

TodayPress TV