Madrid nəhənginin yeni hədəfi bəlli oldu – Kalafyori!
Nikolo Skira “Real Madrid”in transfer bazarındakı əsas hədəfini açıqlayıb.
TodayPress TV transfer insayderinə istinadən xəbər verir ki, “kral klubu” “Arsenal”ın müdafiəçisi Rikkardo Kalafyorini heyətinə qatmaq istəyir.
Madrid təmsilçisi bu transferi prioritet hesab edir və 24 yaşlı italiyalı futbolçunun keçidi ilə bağlı artıq “Arsenal” klubuna rəsmi sorğu göndərib.
Bir neçə gün əvvəl jurnalist Ramon Alvares de Mon xəbər vermişdi ki, “Real Madrid”in baş məşqçisi olması gözlənilən Joze Mourinyo rəhbərlikdən məhz Kalafyorinin transferini istəyib.
Mourinyonun futbolçunun universallığını yüksək qiymətləndirdiyi bildirilir. Belə ki, futbolçu həm mərkəz müdafiəçisi, həm də sol cinah müdafiəçisi kimi çıxış edə bilir. Bundan başqa, Mourinyo daha əvvəl “Roma” klubunda çalışarkən Kalafyori ilə birlikdə işləyib.
Qeyd edək ki, Rikkardo Kalafyori son mövsüm “Arsenal”ın heyətində bütün turnirlər daxil olmaqla 36 oyunda meydana çıxıb, 1 qol vurub və 3 məhsuldar ötürmə edib. Transfermarkt portalında futbolçunun bazar dəyəri 55 milyon avro qiymətləndirilir.
Namiq HUN
