Lebron Ceyms əfsanələr sırasına adını yazdırdı!

Lebron Ceyms NBA tarixində oyundan ən çox dəqiq atış edən basketbolçu olub.

2025/2026 mövsümü üzrə Milli Basketbol Assosiasiyasının (NBA) müntəzəm çempionatında keçirilən oyunda “Denver Nuggets” öz meydanında “Los-Anceles Leykers” ilə qarşılaşıb və matç 120:113 hesabı ilə başa çatıb.

Görüş zamanı “Leykers”in liderlərindən olan Lebron Ceyms əfsanəvi basketbolçu Karim Abdul-Cabbarı geridə qoyaraq NBA tarixində oyundan ən çox dəqiq atış edən oyunçu rekordunun yeni sahibinə çevrilib.

Matçdan əvvəl Abdul-Cabbarın hesabında 15 837 dəqiq atış var idi. Lebron isə bu göstəricini üstələyərək tarixə düşüb.

Bu rekord Lebron Ceymsin uzunömürlü və stabil performansını göstərən ən mühüm statistik nailiyyətlərdən biridir. NBA tarixində bu göstəricidə lider olmaq təkcə hücum effektivliyini deyil, həm də karyera davamlılığını və yüksək səviyyəni qoruma bacarığını nümayiş etdirir.

LeBron Ceyms karyerası boyunca həm atletik fiziki üstünlüklərini, həm də taktiki oyun intellektini birləşdirən nadir basketbolçulardan sayılır. Onun oyundan dəqiq atış rekordunu qırması uzun illər ərzində toplanmış yüksək məhsuldarlığın nəticəsidir.

Lebron Ceymsin basketbolçu karyerası ərzində digər əsas uğurları:

NBA çempionluqları

• 2012 — “Mayami Hit”

• 2013 — “Mayami Hit”

• 2016 — “Klivlend Kavalyers”

• 2020 — “Los-Anceles Leykers”

NBA Final MVP

• 2012 — “Mayami Hit”

• 2013 — “Mayami Hit”

• 2016 — “Klivlend Kavalyers”

• 2020 — “Los-Anceles Leykers”

NBA mövsümünün MVP-si

• 2009 — “Klivlend Kavalyers”

• 2010 — “Klivlend Kavalyers”

• 2012 — “Mayami Hit”

• 2013 — “Mayami Hit”

Olimpiya çempionluğu

• 2008 — Yay Olimpiya Oyunları 2008

• 2012 — Yay Olimpiya oyunları 2012

Digər nailiyyətlər

• NBA tarixinin ən məhsuldar basketbolçularından biri

• NBA karyera statistikalarında çoxsaylı rekordların sahibi

• Liqanın ən stabil və uzunmüddətli elit oyunçularından biri

Namiq HUN