Kloppun rəhbərliyi altında Almaniyadan növbəti böyük addım!

Kloppun rəhbərliyi altında Almaniyadan növbəti böyük addım!
17.11.2026 08:58 İdman

Almaniya millisinin baş məşqçisi Yurgen Klopp UEFA Millətlər Liqasının A Liqasının II qrupunda birinci yeri tutaraq pley-off mərhələsinə yüksəlmələri barədə fikirlərini bölüşüb.

TodayPress TV UEFA-nın rəsmi saytına istinadən xəbər verir ki, almanlar VI turda doğma meydanda Niderland yığmasını 5:0 hesabı ilə darmadağın ediblər.

Görüşdə Almaniya millisinin heyətində Şerxant 41-ci dəqiqədə hesabı açıb. Florian Virts 60 və 71-ci dəqiqələrdə fərqlənib. Niko Şlotterbek 65-ci, Brayan Qruda isə 78-ci dəqiqədə rəqib qapısına yol tapıb.

Qarşılaşmadan sonra Yurgen Klopp komandanın çıxışını dəyərləndirib:

“Bu kollektivlə işləmək çox maraqlı idi və burada həqiqətən xüsusi futbolçu qrupuna sahib olduğumuzu hiss edirik. Ancaq bu, hələ başlanğıcdır. Altı oyundan sonra istədiyimiz səviyyəyə çatdığımızı iddia edə bilmərik. Çünki inkişaf etdirə biləcəyimiz çox məqam var.

Oğlanlar qrup qalibi kimi, üzlərində təbəssümlə evlərinə qayıda bilərlər. Həftənin sonunda püşkatmanın nəticələrinə baxacağıq və bizi hansı çətin qarşılaşmanın gözlədiyini öyrənəcəyik. Çünki mübarizədə yalnız güclü komandalar qalıb”.

Qeyd edək ki, Almaniya millisi II qrupda 11 xalla birinci yeri tutub. Niderland və Yunanıstan yığmaları da eyni xala malik olsalar da, müvafiq olaraq ikinci və üçüncü pillələrdə qərarlaşıblar.

Namiq HUN 

TodayPress TV

XƏBƏR LENTİ
20 NOYABR 2026
Bütün Xəbərlər