“Heç kim mənə zəng etməyib” – O'Malli UFC-ni tənqid etdi

Şon O'Malli UFC-nin Ağ Evdə keçirilməsi planlaşdırılan tədbiri ilə bağlı şübhələrini ifadə edib.

TodayPress TV xəbər verir ki, keçmiş UFC çempionu Şon O'Malli iyunun 14-də təşkil olunması nəzərdə tutulan Ağ Ev turnirində iştirak etməyəcəyini açıqlayıb. Döyüşçü şəxsi YouTube kanalında bildirib ki, UFC Ağ Ev vəsiqəsi uğrunda bütün döyüşlərin artıq təsdiqləndiyini elan etsə də, onunla heç kim əlaqə saxlamayıb.

O'Malli qeyd edib: 

“UFC ötən həftə Ağ Ev vəsiqəsi uğrunda bütün döyüşlərin təsdiqləndiyini bildirdi, amma heç kim mənə zəng etməyib. Heç kim mənimlə əlaqə saxlamağa belə çalışmayıb. Mən heç nə eşitməmişəm”.

Xatırladaq ki, UFC-nin baş direktoru Dana Uayt daha əvvəl Ağ Ev tədbiri üçün döyüş kartının artıq təsdiqləndiyini açıqlamışdı. Rəsmi məlumata görə, ABŞ prezidenti Donald Trampın tədbiri şəxsən təsdiqləyəcəyi gözlənilir.

Namiq HUN

TodayPress TV