Əfsanə Əmrə Bələzoğlu ürəyini “Qarabağ”a verdi

“Nyukasl”ın stadionunda oynamaq çətindir, amma “Qarabağ”ın doğma meydanda rəqiblə mübarizə aparmaq şansı var.

TodayPress TV xəbər verir ki, bu sözləri Türkiyə millisinin sabiq futbolçusu və hazırda “Kasımpaşa” klubunun baş məşqçisi Əmrə Bələzoğlu UEFA Çempionlar Liqasının əsas mərhələsində “Qarabağ” – “Nyukasl” oyunu barədə AZƏRTAC-a danışarkən deyib.

Vaxtilə İngiltərə klubunun da formasını geyinmiş veteran yarımmüdafiəçi sabahkı matçda “Qarabağ”a azarkeşlik edəcəyini bildirib:

“Bütün dualarım Azərbaycan təmsilçisi ilə olacaq. Komandanın yaxşı baş məşqçisi və futbolçuları var. İnanıram ki, matça yaxşı hazırlaşacaqlar. “Qarabağ”a ancaq uğurlar arzulaya bilərəm. “Nyukasl” keyfiyyətli heyətə malikdir. Amma “Qarabağ”ın da sürpriz etmək potensialı var. Sabah ürəyim “Qarabağ”la döyünəcək. Bütün Azərbaycan xalqına salamlarımı çatdırıram”, – deyə o, bildirib.

Qarşılaşma fevralın 18-də Tofiq Bəhramov adına Respublika Stadionunda saat 21:45-də başlayacaq.

Xatırladaq ki, Əmrə Bələzoğlu 2005–2008-ci illərdə “Nyukasl”ın formasını geyinib. 

Namiq HUN