“Dubay” klubu Avropanı silkələyə biləcək addım atır
Xavyer Paskualın gələcəyi ilə bağlı yeni iddia ortaya çıxıb.
TodayPress TV xəbər verir ki, “Dubay” basketbol klubu ispaniyalı mütəxəssisi komandaya cəlb etmək üçün aktiv danışıqlar aparır və onun müqaviləsinin alınması üçün kompensasiya ödəməyə hazırdır.
Klubun prezidenti Abdulla Əl-Nabuda Paskual ilə şəxsən telefon danışığı apararaq onu layihəyə qoşulmağa razı salmağa çalışıb. Dubay təmsilçisi hazırda “Barselona” klubunu çalışdıran ispaniyalının müqaviləsinin pozulması üçün 300 min avro təzminat ödəməyə hazırdır.
Xavyer Paskual ötən ilin noyabrında “Barselona”nın baş məşqçisi təyin olunub və onun müqaviləsi 2028-ci ilə qədər nəzərdə tutulub.
Qeyd edək ki, “Dubay” klubunun alternativ namizədləri arasında “Monako”nun keçmiş çalışdırıcısı Vassilis Spanoulis də yer alır.
Namiq HUN
