Cokoviç tennisdə yeni səhifə açır
Novak Cokoviç “Rolan Qarros” turnirində yeni rekord qırmağa hazırlaşır və Rocer Federerin göstəricisini geridə qoyacaq.
TodayPress TV xəbər verir ki, 24 dəfə “Böyük Dəbilqə” turnirlərinin qalibi olan serbiyalı tennisçi 2-ci raundda Fransa təmsilçisi Valentin Ruayer ilə qarşılaşacaq.
Bu oyun Cokoviç üçün “Rolan Qarros”da 120-ci matç olacaq. Beləliklə, o, bir “Qrand Slam” turnirində ən çox oyun keçirən tennisçi kimi tarixə düşəcək və Federerin əvvəlki rekordunu (119 matç Uimbldon, 117 Avstraliya Açıq) üstələyəcək.
Cokoviç karyerası ərzində:
24 “Böyük Dəbilqə” titulu
40 ATP Masters qələbəsi
7 ATP Final turniri qalibiyyəti
2024 Olimpiya qızıl medalı
102 ATP titulu (101 fərdi yarışda) qazanıb.
Namiq HUN
