Çimayev revanş üçün Striklendə meydan oxudu
Orta çəkidə keçmiş UFC çempionu Həmzət Çimayev mümkün revanş döyüşü ilə bağlı yenidən Şon Striklendə müraciət edib.
TodayPress TV xəbər verir ki, o, bu barədə X sosial şəbəkə hesabında paylaşım edib.
“Gözləyirəm, hazır olanda mənə xəbər et, Şon. Növbəti dəfə kimsə ölməlidir”, – deyə Çimayev yazıb.
Xatırladaq ki, onların ilk qarşılaşması UFC 328 gecəsinin əsas döyüşü olub və Şon Striklendin hakimlərin parçalanmış qərarı ilə qələbəsi ilə yekunlaşıb. Bununla da amerikalı döyüşçü UFC-nin orta çəkidə (84 kq) yeni çempionu olub.
Bu məğlubiyyət Həmzət Çimayevin peşəkar MMA karyerasında ilk yenilgisi kimi tarixə düşüb. O, həmin döyüşə qədər 15 qələbəlik seriyaya sahib idi. Şon Striklendlə qarşılaşma isə Çimayev üçün ilk titul müdafiəsi sayılırdı. O, çempionluq kəmərini 2025-ci ilin avqustunda UFC 319 turnirində qazanmışdı.
Namiq HUN
