"Bavariya" ev sahibinə qalib gəldi
Almaniya çempionatının 24-cü turunda "Borussiya Dortmund" çempion "Bavariya"nı qəbul edib.
TodayPress TV xəbər verir ki, matç qonaqların 2:3 hesablı qələbəsi ilə başa çatıb.
Münhen komandasının heyətində ingilis hücumçu Harri Keyn dubl edib. Qələbə qolunu alman yarımmüdafiəçisi Coşua Kimmix vurub.
Ev sahiblərindən isə Niko Şlotterbek və Daniel Svensson fərqləniblər.
"Bavariya" 63 xalla turnir cədvəlinə başçılıq edir, "Borussiya" isə 52 xalla ikinci yerdədir.
