Azərbaycan–İslandiya oyununa monteneqrolu hakimlər təyinat aldı
Azərbaycan millisi ilə İslandiya arasında noyabrın 13-də Bakıda keçiriləcək DÇ-2026 seçmə oyununa hakimlər müəyyənləşib.
TodayPress TV xəbər verir ki, qarşılaşma 8-ci km qəsəbə stadionunda baş tutacaq.
Oyunu Monteneqrodan olan hakimlər briqadası idarə edəcək. Görüşün baş hakimi Nikola Dabanoviç olacaq. Ona yan xətt hakimləri Vladan Todoroviç və Srcan Yovanoviç kömək edəcəklər.
Dördüncü hakim funksiyasını Miloş Boşkoviç yerinə yetirəcək.
VAR sistemi isə serb hakimləri Momçilo Markoviç və Aleksandar Jivkoviçə həvalə olunub.
