Dövlət əleyhinə açıq çağırışlarda təqsirləndirən ekstremist qruplaşma üzvünə hökm oxundu
Dövlət əleyhinə və terrorçuluğa açıq çağırışlar etməkdə təqsirləndirilən ekstremist qruplaşmanın üzvü Kamran Babayevin barəsində Dövlət Təhlükəsizliyi Xidmətində (DTX) başlanılmış cinayət işi üzrə yekun məhkəmə prosesi keçirilib.
TodayPress TV xəbər verir ki, Sumqayıt Ağır Cinayətlər Məhkəməsində hakim Aynur Rzayevanın sədrliyi ilə keçirilən prosesdə hökm oxunub.
Hökmə əsasən, Kamran Babayevə 6 il müddətinə azadlıqdan məhrumetmə cəzası verilib.
Qeyd edək ki, Kamran Babayev DTX-nin həyata keçirdiyi istintaq-əməliyyat tədbirləri nəticəsində saxlanılıb. Ona AR Cinayət Məcəlləsinin 281.2 (dövlət əleyhinə yönələn açıq çağırışlar, bir qrup şəxs tərəfindən törədildikdə) və 214-2-ci (terrorçuluğa açıq çağırışlar) maddələri ilə ittiham irəli sürülüb.
