Zelenski: "Yeni hökumət Ukraynanı gücləndirəcək"

Ukrayna Prezidenti Vladimir Zelenski Parlamentin plenar iclasında çıxışı zamanı hökumətin yenilənməsinin ölkəni gücləndirəcəyini və ABŞ ilə əməkdaşlıqda yeni mərhələ yaradacağını bildirib.

TodayPress TV xəbər verir ki, bu barədə “RBK-Ukrayna” məlumat yayıb.

Zelenskinin sözlərinə görə, yenidən seçildikdən sonra Ukrayna hökuməti bütün müqavilələr, sazişlər, müdafiə sahəsində tərəfdaşlarla memorandumlar və dayanıqlılıq proqramları üzrə audit aparmalıdır. Məqsəd bu razılaşmaları Ukraynanın maraqları üçün yüz faiz yerinə yetirməkdir.

“ABŞ ilə yeni sazişlər olacaq ki, bu da Ukraynanın mövqeyini gücləndirəcək və buna görə Amerika ilə diplomatik işlərdə dəyişikliklərə ehtiyacımız var”, - deyə Zelenski vurğulayıb.

O əlavə edib ki, dövlət ukraynalı əsgərlərə Müdafiə Qüvvələrinin təminatına tam inam verməlidir. Bunun üçün Ukraynanın daxili iqtisadi potensialı artırılacaq.

Zelenski bu məqsədlə üç əsas amilin vacib olduğunu bildirib:

1. Maksimal tənzimləmələrin azaldılması, dövlət üçün lazımsız, funksiyaları təkrarlanan bürokratik maneələrin və institutların ləğvi.

2. Ukrayna ictimai qüvvələrinin maksimum azad edilməsi və tərəfdaş potensialının cəlb olunması ilə iqtisadi artımın təmin edilməsi.

3. Ukrayna dövlətçiliyinə təhlükə yaradan və ölkə potensialını oğurlayanlara qarşı daha sərt cəzaların tətbiqi.

“Ukrayna Nazirlər Kabinetinin və ümumilikdə hakimiyyət sisteminin yenilənməsi bu tapşırıqların həyata keçirilməsini təmin edəcək. Ukrayna daha güclü olacaq”, - deyə o yekunlaşdırıb.

Xatırladaq ki, 16 iyul tarixində Ali Rada Baş nazir Denis Şmıqal və hökumətini istefaya göndərib. Beləliklə, Şmıqalın Baş nazir kimi beşillik səlahiyyət müddəti başa çatıb.

17 iyul tarixində isə Yuliya Sviridenko Ukraynanın yeni Baş naziri təyin olunub.

Töhfə Səməd