Tramp sərəncam verdi: Sərhəd divarı qara rəngə boyanacaq
ABŞ Prezidenti Donald Tramp Meksika ilə sərhəddəki divarın qara rəngə boyanmasını tapşırıb. Məqsəd günəş altında isinən divarın qeyri-qanuni miqrantların keçidini çətinləşdirməsidir.
TodayPress TV xəbər verir ki, daxili təhlükəsizlik naziri Kristi Noem divarın həm hündür, həm də dərin bünövrəli olduğunu, altından tunel qazmağın mümkünsüzlüyünü bildirib.
Onun sözlərinə görə, yeni büdcə sərhəd tikintisinə böyük maliyyə ayırır və divar gündə təxminən bir kilometr uzadılır. Bundan əlavə, su baryerlərinin də quraşdırılması planlaşdırılır.
“Bloomberg”in məlumatına görə, amerikalıların 53 faizi divarın tikintisini dəstəkləyir, 61 faizi isə qeyri-qanuni miqrasiyanı ölkənin əsas problemi hesab edir.
Tramp daha əvvəl divarın tikintisini tamamlamaq istədiyini açıqlamışdı.
Qiymət Mahir
