Tailand və Kamboca rəsmiləri Malayziyada görüşəcəklər
Tailand və Kamboca rəsmiləri sərhəd mübahisəsinin həlli məqsədilə Malayziyanın paytaxtı Kuala-Lumpura gəliblər.
TodayPress TV xəbər verir ki, bu barədə Malayziya Silahlı Qüvvələri bildirib.
Məlumata görə, Baş Sərhəd Komitəsinin iclası avqustun 7-də keçiriləcək. Malayziya bu görüş üçün neytral tərəf kimi seçilib.
Görüşün əsas məqsədi iyulun 28-də əldə olunmuş atəşkəs razılaşmasının icrasını müzakirə etmək və iki ölkə arasındakı sərhəd gərginliyini aradan qaldırmaqdır.
Türkan İsgəndərli
